Perspectives

Perspectives

Di derbarê weşanê de

Rojeva Tirkîyê bi lez û bez diguhere. Ev guherîn, xwe di her qada civakê de dide his kirin. Ji aborîyê heta çand û sîyaseta hindur, ji pirsgirêkên hawirdorê heta sîyaseta derve, di gelek qadan de guherînên civakî, qanûnî û sîyasî derdikevin holê.

Ji bo fahmkirina civaka Tirkîyê, ji bo têgîhaştina bandora guherînan ya di qadên sîyasî û civakî de, bi taybet karekî girîng dikeve ser milê medyayê. Divê medya li gor prensîbên rojnamevanî tev bigere, xwendevanên xwe zêdetir agahdar bike û rê li ber veke ku xwendevan karibin analîz û şîroveyên xwe bînin ziman, bi raya giştî re par ve bikin.

Ev kovara ku wê ji sê mehan carekê bê weşandin, ji bo civaka sîwîl ya li Tirkîyê û bi taybet jî ya li Ewropa, kesên ku biryaran didin, serokên ramanan û kesên ku pêşketinên li Tirkîyê dişopînin û dixwazin fam bikin, bibe çavkanîyeke sereke û bingehîn, armanca me ji vê kovarê ev e. Di her hejmarê de li gel mijara dosyayê, nûçeyên di derbarê ekolojî, demokratîkbûn, çand, sîyaseta navneteweyî û HBSD wê cî bigirin. Li hêla din, em hewl didin ku di ser çîroka jîyana kesekî re, tesîra guherîna civakî ya hêla mirovî bînin rojevê.

Kovara Perspectives, tenê bi analîz û şîroveyên sîyasî yên Tirkîyê namîne, em hêvî dikin ku wê zemîneke niqaş û gotûbêjan ya zindî û berdar çêbike ku ji bo avakirina pêşerojeke Tirkîyê ya aştîxwaz, demokrat û berdewam bibe alîkar. Ji bo mijarên dosyayên Perspectivesê, em ê civînên vekirî û berfireh çêbikin, em ê bi we xwendevanên delal re, di derbarê van mijaran de,  danûsitendineke ramanî ya berdar pêk bînin.

Weşana me, tenê bi Tirkî û Îngilîzî derdikeve.

Li ser navê tîma Perspectives ya Nûnertîya Komela Heinrich Böll Stiftung
Dr. Ulrike Dufner
Nûnera HBSDê

* Kovara Perspectives bê pere ye. Ji bo abonetîya kovarê hun dikarin serî li navnîşana info@tr.boell.org bixînin û navnîşana xwe ya posteyê bidin.

Perspectives

Perspectives hejmara 9.

Perspectives – ji Tirkîyê analîz û şîrove. Hejmara kovara me ya 9. Derket. Di vê hejmarê de du heb dosya hene: Dosyaya me ya demokrasîyê ya ku rewş û stratejîyên aktorên sîyasî yên girîng yên berî hilbijartinên serokkomarîyê dinirxîne û dosyaya me ya cinsîyeta civakî û makroekonomî. Bi taybet dosyaya me ya duyem, wê ji lensa cinsîyeta civakî li civîna G20 ya ku wê di sala 2015an de di serokatîya Tirkîyê de dest pê bike binêre, em hêvî dikin ku ev dosyaya me wê ji bo vê yekê bibe xebateke destpêkê. Wek her tim, di derbarê ekolojî, sîyaseta derve û çandê de jî, nivîsarên me yên balkêş hene û em hêvî dikin ku wê bi dilê we bin.

Hun dikarin weşana me bi Tirkî û Îngilîzî bixwînin.

Perspectives hejmara 8.

Perspectives - ji Tirkîyê analîz û şîrove. Hejmara weşana me ya 8. Derket. Ev hejmara me, bi nivîseke nirxandina li ser hilbijartinên herêmî yên 30ê Adarê dest pê dike. Mijara me ya dosyayê jî li ser sermîyan û sermîyandarên Tirkîyê ye. Di dosyaya me de, ji Cemeta Gulen heta sermîyandarên herêma Kurdîstanê, gelek bastûr û grûbên cuda yên aborîya Tirkîyê cî digirin. Li hêla din, di beşa me ya demokrasîyê de, di derbarê qedexeyên internetê de nivîsek heye, herwiha di derheqê ekolojî, sîyaseta derve, çand û dîmenên mirovî de jî nirxandinên ji hev balkêştir hene. Bi kêfxweşî bixwînin.

Hun dikarin weşana me bi Tirkî û Îngilîzî bixwînin.

Perspectives hejmara 7.

Perspectives- ji Tirkîyê analîz û şîrove. Hejmara kovara me ya 7. bi dosyaya "Ber bi hilbijartinan ve Guherîna Bajarî û Rêvebirîyên Herêmî”, ji bo xwendevanên me amade ye. Di vê hejmara me ya ku nivîskarên ji hev hêjatir bi nivîsên xwe tev lê bûne de, hun ê li gel mijara dosyayê, nivîsên li ser demokrasîya li Tirkîyê, çand, ekolojî û sîyaseta derve jî bivînin. Em hêvî dikin ku hun ê bi dilê xwe bixwînin.

Hun dikarin weşana me bi Tirkî û Îngilîzî bixwînin.

Perspectives #6.13

Perspectives- ji Tirkîyê analîz û şîrove. Hejmara kovara me ya 6. bi dosyaya “Gazap Uzumlerî – li Tirkîyê guherîna çandinî û qada gundewarî” li hember we ye. Mijarên rojane yên sîyasî, sîyaseta derve, aborî, sîstema sîyasî, hawirdor, ekolojî, huner û çend mijarên din di hejmara 6. ya weşana me de cî digirin. Mijara dosyaya vê hejmara me, di bin sernivîsa ekolojî de reformên dewam dikin yên ji bo qada çandinî û pêşketina gundewarî dinirxîne. Di derbarê vê mijarê de nivîskarên wek Gokhan Gunaydin, Abdûllah Aysû û Sîbel Caşkurlu hene, li gel vê mijara me ya sereke, nivîsên di derbarê sîyaseta derve, demokrasî û çandê de jî hene. Li hêla din  nivîsên li ser Berxwedana Gezî ya ku li hemû derdorên Tirkîyê belav bûye û çend mijarên ku ji bo Tirkîyê girîng in jî hene. Em hêvî dikin ku hun ê bi dilê xwe bixwînin…

Hun dikarin weşana me bi Tirkî û Îngilîzî bixwînin.

Perspectives #5.13

Perpectıves –Ji Tirkîyê analîz û şîrove. Hejmara 5. ya kovara me derket. Di hejmara me ya dawîn de mijara qapaxê ya taybet “Parka Gezî” ye, mijara me ya dosyayê jî “Mezinbûn û Encamên wê” ye.

Di vê hejmara me ya nuh de, li gel mijara me ya dosyayê, em protestoyên bi hilweşandina Parka Gezî dest pê kirin û di seranserê mehekê de dewam kirin dinirxînin. Mijara me ya dosyayê ya ku me berî destpêka protestoyan hilbijartibû jî, bi mijara me ya qapaxê re bi awayekî xweş li hev hatiye. Em wisa difikirin ku, pirsgirêkeke ku bûye sedemê van protestoyan jî “fetîşîzma mezinbûyinê” ye. Ji ber vê yekê, nivîsên li ser “mûcîze”ya mezinbûna aborî ya ku me wek dosyayeke fireh amade kiriye, pêşketin, enerjî, sîyasetên malbatî û hewldanên mezinbûna jeopolîtîk wê ji bo fahmkirina rojeva sîyasî ya germ bibin alîkar.
 
Nivîsên nivîskarên wek Denîz Ozgur, Cengîz Çandar, Hayrî Kozanoglu, Ayşe Çavdar û Fîkret Îlkîz hun ê di vê hejmara me de bibînin û wek her dem nivîsarên me yên li ser çand û sîyaseta derve jî hene. Em hêvî dikin ku hun ê bi dilê xwe Perspectivesê bixwînin, rexne û pêşnîyarên xwe ji me re bişînin…

Hun dikarin weşana me bi Tirkî û Îngilîzî bixwînin.

Perspectives #4.13

Perspectives- Ji Tirkîyê analîz û şîrove. Hejmara 4. ya kovara me derket. Ev hejmara me bi dosyaya “Li Tirkîyê Tevgera Hawirdor” ji bo we xwendevanên delal amade ye. Gelek nivîskarên hêja bi nivîsên xwe tev li kovara me bûne, di vê hejmarê de, hun ê li gel mijara dosyayê, nivîsên li ser li Tirkîyê demokrasî, çand, ekolojî û sîyaseta derve jî bibînin. Me di vê hejmara xwe de guherînek çêkir û di beşa portreyê de, cî da hevpeyvînekê. Em hêvî dikin ku hun ê bi dilê xwe Perspectivesê bixwînin.

Hun dikarin weşana me bi Tirkî û Îngilîzî bixwînin.

Perspectives #3.13

Perspectives – Ji Tirkîyê analîz û şîrove, ji sê mehan carekê bi awayekî tekûz derdikeve. Em hejmara xwe ya sêyem bi kêfxweşî pêşkêşî xwendevanên xwe dikin. Di vê hejmara me de ev mijar hene: Mijarên sîyasî yên rojane, sîyaseta derve, li gel aborîyê sîstema sîyasî, hawirdor, ekolojî, huner û gelek mijarên din. Di vê hejmara me ya sêyem de mijara me ya dosyayê, di bin beşa demokrasî de sernivîsa “Pirsgirêka Tirk” e. Li ser vê mijarê nivîsên van nivîskaran hene: Ahmet Însel, Dogû Ergîl, Evren Balta Paker, Încî Ozkan Kerestecî. Ji bo mijarên derveyî dosyayê jî, wek her tim li ser ekolojî, demokrasî û çandê hin nivîsên ku ji bo Tirkîyê girîng in cî digirin. Em hêvî dikin ku hun ê bi dilê xwe vê hejmara me jî bixwînin…

Hun dikarin weşana me bi Tirkî û Îngilîzî bixwînin.

Perspectives #2.12

Perspectives – Ji Tirkîyê analîz û şîrove, ji sê mehan carekê bi awayekî tekûz derdikeve. Em hejmara xwe ya duyem bi kêfxweşî pêşkêşî xwendevanên xwe dikin. Di vê hejmara me de ev mijar hene: Mijarên sîyasî yên rojane, sîyaseta derve, li gel aborîyê sîstema sîyasî, hawirdor, ekolojî, huner û gelek mijarên din. Di weşana me ya duyem de mijara dosyayê di beşa sîyaseta derve de “Rojhilata Navîn û Tirkîye” ye. Ji bo vê mijarê, Solî Ozel, Bayram Balci, Sedat Aybar, Şah Îsmaîl Bedîrhanoglû, Sezgîn Tanrikûlû ji me re nivîsîn. Nîdal Ozdemîrê ku li Hatayê dijî jî bi çavdêrîyên xwe yên sererast tev li vê mijarê bû. Li derveyî mijara dosyayê, wek her tim li ser ekolojî, demokrasî û çandê nivîsên ku ji bo Tirkîyê me girîng dîtin hene. Nirxandina dadmendî ya Fîkret Îlkîz ya di derbarê doznameya KCKê de, nivîsa Bulent Şik ya li ser li Tirkîyê bikaranîna pestîsît hin ji van nivîsan in. Em hêvî dikin ku hun ê bi dilê xwe vê hejmara me jî bixwînin…

Hun dikarin weşana me bi Tirkî û Îngilîzî bixwînin.

Perspectives #1.12

Perspectives – Ji Tirkîyê analîz û şîrove, bi hejmara xwe ya yekemîn derket. Di vê hejmara destpêkê de mijara dosyayê “Dewleta Kûr” e, li gel vê mijarê li ser sîyaseta derve, çand, ekolojî û demokrasî jî nivîsarên ji Tirkîyê hene. Em hêvî dikin ku hun ê bi kêfxweşî bixwînin…

Hun dikarin weşana me bi Tirkî û Îngilîzî bixwînin.

Çalakî

Di vê serdemê de tu çalakiyek tune ye.